प्रशासक न्यूज,दि.२१जानेवारी
श्रीगोंदा शहरात प्रजासत्ताक दिनाचे औचित्य साधून लोकनेते राजेंद्र म्हस्के व पै.आप्पासाहेब सोनवणे मित्र मंडळाने भव्य निकाली कुस्ती मैदान आयोजन केले असून २६ जानेवारी रोजी श्रीगोंदा बाजारतळ येथे दुपारी साडेतीन वाजल्यापासून रात्री दहा वाजेपर्यंत हे कुस्ती मैदान होणार आहे.अशी माहिती राजेंद्र म्हस्के व आप्पासाहेब सोनवणे यांनी पत्रकार परिषद घेऊन दिली.
यावेळी बोलताना आप्पासाहेब सोनवणे म्हणाले की,मला कुस्तीची आवड आहे खूप दिवसांपासून मैदान घेण्याची इच्छा होती.राजेंद्र म्हस्के यांच्यासारखा सहकारी मिळाल्याने माझी इच्छा पूर्ण झाली.श्रीगोंदा शहरात प्रथमच भूतो ना भविष्य असे मैदान होणार आहे.
या भव्य निकाली कुस्ती मैदानात जवळपास ७० कुस्त्या होणार आहेत.त्यामध्ये पै.सिकंदर शेख विरूद्ध पै.कमलजित सिंग यांच्यामध्ये एक नबंरची कुस्ती पाच लाख रूपयांची होणार आहे.या कुस्तीचे सौजन्य बापू माने व आप्पासाहेब सोनवणे यांनी केले आहे. दोन नंबरची तीन लाख रूपयांची कुस्ती पै.माऊली जमदाडे विरूद्ध पै.रविराज यांच्यामध्ये होणार आहे. या कुस्तीचे सौजन्य नगरसेवक मनोहर पोटे यांनी केले. तीन नंबरची दीड लाख रुपयांची कुस्ती पै सुरेश पालवे विरुद्ध शकील शेख यांच्यामध्ये होणार आहे. या कुस्तीचे सौजन्य बापूसाहेब गोरे व नानासाहेब कोथिंबिरे यांनी केले आहे.
महिला विभागामध्ये एक नबंरची कुस्ती पंचावन्न हजार रुपयांची होणार असून सौजन्य जवक साहेब यांनी केले आहे.दोन नंबरची कुस्ती एक्कावंन हजार रुपयांची होणार आहे.या कुस्तीचे सौजन्य संतोष म्हस्के यांनी केले आहे.
या कुस्ती मैदानाची चर्चा तालुक्यात चांगलीच रंगली आहे.त्यामुळे कुस्त्या पाहण्यासाठी चांगलीच गर्दी होणार आहे.
श्रीगोंदयात रंगणार कुस्त्यांची दंगल!नामवंत मल्लांची हजेरी
Reviewed by Prashasak
on
जानेवारी २०, २०२३
Rating:
Reviewed by Prashasak
on
जानेवारी २०, २०२३
Rating:
कोणत्याही टिप्पण्या नाहीत: