हे तर त्यांचे बेगडी प्रेम..अनुराधा नागवडे कडाडल्या,तर राऊतांकडून खरपूस शब्दात विरोधकांवर हल्लाबोल!

प्रशासक न्यूज ७ नोव्हेंबर २०२४

गुजरातच्या दोन व्यापाऱ्यांनी महाराष्ट्राचे वाटोळे करण्यासाठी आधी शिवसेना नंतर राष्ट्रवादी काँग्रेस पक्ष फोडला उद्धव ठाकरे यांचे सरकार पाडले आता तीच मंडळी श्रीगोंदा मतदार संघात एक अधिकृत तर एक अनधिकृत उमेदवार उभे करून सत्ता मिळवू पाहत आहेत त्यांना रोखण्यासाठी राज्यात लोकांनी महाविकास आघाडीला साथ देण्याचे ठरवले आहे तुम्ही देखील सौ. अनुराधा नागवडे यांना विजयी करून महाविकास आघाडीचे सरकार निवडून आणण्यात सहभाग घ्या असे आवाहन शिवसेना नेते खासदार संजय राऊत यांनी तालुक्यातील वांगदरी येथे महाविकास आघाडी च्या उमेदवार सौ अनुराधा नागवडे यांच्या प्रचाराच्या शुभारंभ प्रसंगी बोलताना केले.

अध्यक्ष स्थानी शिवसेना जिल्हा प्रमुख प्रा.शशिकांत गाडे होते.

आपल्या खास शैलीत भाजप आणि अपक्ष उमेदवारावर टीका करताना खा.राऊत म्हणाले स्व.शिवाजीराव नागवडे यांनी साडे सात वर्षे आमदार असताना मतदार संघाचे रूप पालटले पण विरोधी आमदारांनी ४० वर्ष प्रश्न प्रलंबित ठेवले तर अपक्ष उमेदवाराने आमदार असताना रस्ते केले नाहीत आता ते रोड रोलर घेऊन निघाले आहेत रोड रोलर चा स्पीड सगळ्यांना ठाऊक आहे रोड रोलर रस्त्यातील खड्ड्यात अडकून पडेल .त्यांनी शेतकऱ्यांचे पैसे थकवले त्यांना पक्ष कसा उमेदवारी देईल असा सवाल केला .

आजच्या सभेत सौ अनुराधा नागवडे यांचा आक्रमक पणा पहायला मिळाला यावेळी बोलताना त्यांनी भाजप चे विक्रम पाचपुते आणि आणि अपक्ष उमेदवार राहुल जगताप यांच्यावर चौफेर टीका करत उपस्थितांना विचार करण्यास भाग पाडले 

सौ.नागवडे म्हणाल्या समोरील उमेदवाराच्या आईने माझ्यावर टीका करताना मला त्यांनी केलेली विकास कामे दिसत नाहीत कारण मी गांधारी आहे अशी टीका केली ठीक आहे मी विरोधक असल्याने गांधारीची उपमा दिली पण उन्हाळ्यात शेतीला पाणी मिळत नाही,रोजगार नाही,एमआयडीसी नाही, साकळाई उपसा सिंचन योजना झाली नाही हा जनतेचा आक्रोश आहे ते नाराजी दाखवत आहेत त्या जनतेला तुम्ही कोणती उपमा देणार? त्यांना काय उत्तरे देणार? असा सवाल केला तसेच भाजप उमेदवार स्वतः ची उमेदवारी महीला सन्मान,युवक सन्मान,साठी असल्याचे सांगत आहे तर दुसरीकडे आईला मिळालेली उमेदवारी रद्द करून स्वतः साठी घेतली हाच का तुमचा महीला सन्मान,घरात चुलत भावाला सरपंच करण्या ऐवजी सख्या भावाला उमेदवारी दिली हाच का युवकांचा सन्मान,आज भाजपला उमेदवारावर विश्वास नसल्याने त्यांनी अपक्ष उमेदवार वर देखील लक्ष ठेवले पण हे दोन्ही उमेदवारांना जनता स्वीकारणार नाही असे त्या म्हणाल्या

*हे तर जगतापांच बेगडी प्रेम*
अपक्ष उमेदवार राहुल जगताप यांच्यावर टीका करताना सौ.नागवडे म्हणाल्या राज्यात जसे माजी मुख्यमंत्री उद्धव ठाकरे यांचा पक्ष,चिन्ह एकनाथ शिंदे यांनी घेतले ठाकरे यांचे वडील बाळासाहेब ठाकरे यांचा फोटो वापरला तसाच त्रास आम्हाला जगताप यांनी दिला स्व.शिवाजीराव नागवडे यांच्या मदतीने आमदार झाले पण कधी भेटायला आले नाही, स्व.शिवाजीराव नागवडे यांच्या अंत्यविधीला दशक्रिया विधीला सर्वात उशिरा येणारी व्यक्ती म्हणजे राहुल जगताप आणि श्रध्दांजली फ्लेक्स चे बिल नागवडे कारखान्याकडे पाठवणारी व्यक्ती राहुल जगताप एवढे त्यांचे स्व.नागवडे यांच्या प्रती प्रेम आणि आता अपक्ष निवडणूक लढवताना स्व.शिवाजीराव नागवडे यांचा फोटो वापरत आहे हे बेगडी प्रेम कामी येणार नाही या उलट स्वतःला महा विकास आघाडी ची उमेदवारी मिळत असताना साजन पाचपुते यांनी मनाचा मोठेपणा दाखवत आमची शिफारस केली याचा गौरवपूर्ण उल्लेख त्यांनी केला.

सहकार महर्षी शिवाजीराव नागवडे सहकारी साखर कारखाना व्हॉईस चेअरमन बाबासाहेब भोस यांनी मतदार संघात महा विकास आघाडीला अनुकूल वातावरण आहे विरोधकांनी आपले फोटो वापरले तरी जनता जागृत आहे विकास कामे कोण करू शकतो याची खात्री नागवडे रूपाने जनतेला झालेली आहे असे सांगितले.

..तर त्यांनी ट्रम्प यांचा फोटो लावावा
महाविकास आघाडीतील बंडखोर उमेदवार प्रचारात खा.शरद पवार,राहुल गांधी,स्व.शिवाजीराव नागवडे यांचा फोटो वापरत आहे पण त्याचा काही उपयोग होणार नाही त्यांनी त्या ऐवजी काल परवा विजयी झालेल्या डोनाल्ड ट्रम्प यांचा फोटो लावायला पाहिजे अश्या खरपूस शब्दात खा संजय राऊत यांनी माजी आमदार राहुल जगताप यांचा समाचार घेतला